Isplovili ruski ratni brodovi

Isplovili ruski ratni brodovi
Ruski vojnici danas će održati međurodovske vojne vježbe na poligonu “Opuk” na Krimu u okviru iznenadne provjere borbene gotovosti.
Brodovi Crnomorske flote i dio snaga Kaspijske flotile Južnog vojnog okruga već su izašli u morski region gdje će se vježbe održati, saopštilo je Ministarstvo odbrane Rusije.

U vežbama će učestvovati kombinovane jedinice, jedinice vazduhoplovstva i PVO, ratni brodovi i plovila, vojne jedinice obalskih snaga Crnomorske flote, dio snaga Kaspijske flotile Južnog vojnog okruga, kao i jedinice Vazdušno-desantnih snaga.

Ministarstvo nije preciziralo koliko vojnika i tehnike će biti uključeno u današnje vježbe, prenio je Sputnjik.

Prema navodima vojske, Vazdušno-desantne snage već su ukrcale tehniku i ljudstvo u avione vojno-transportne avijacije i uputile se u naznačeni rejon. Marinci su već raspoređeni na velikim desantnim brodovima i čamcima. Snage i sredstva obalske vojske, protivvazduhoplovne odbrane i raketnih protivbrodskih sistema raspoređeni su u određenom rejonu.

Agencije